VÆNTANLEGT Á NÆSTU DÖGUM

Sjálfsrækt með Sálarlist er rafrænt námskeið sem byggir meðal annars á sjálfsrækt með listsköpunarverkefnum sem næra andann og eru til þess fallin að hjálpa þér að tengjast þér betur, setja niður ásetning fyrir það sem þú vilt gera til að næra þig og æfa þig í að hlúa að þér. Þegar þú hvílir betur í sjálfinu og nærir þig, eiga áhyggjur ekki eins greiðan aðgang að þér og þú getur betur tekist á við amstur hversdagsins. Námskeiðið byggist upp á myndböndum með fyrirlestrum/hvatningu og fræðslu, hugleiðslu og skapandi verkefnum. Verkefnin eru fyrst og fremst til að njóta sköpunarferlisins. Allir geta leikið sér með liti. Námskeiðið snýst ekki endilega um að skapa listaverk sem gleðja augað heldur skapa fyrir þig og njóta þess að vera í því ferli að skapa í núinu og í flæði í stað þess að hugsa um útkomuna.

Við gerð námskeiðsins notaði ég sérhæfingu mína í vinnu með áföll og þekkingu sem félagsráðgjafi, fjölskyldufræðingur, kennari í sköpun með ásetningi og í núvitund og sem jógakennari. Ásamt minni persónulegu reynslu af að rækta eigið sjálf upp úr örmögnun í gegnum krefjandi tíma og mikla sorg.

Við förum í gegnum fjórar lotur á námskeiðinu og tökum sjálfsræktina frá öllum þáttum sem hafa áhrif á líðan þína:

Tilfinningar - Hugur - Líkami og Andi

Hvað tekur námskeiðið langan tíma?

Námskeiðið var upphaflega gert sem 10 vikna námskeiðen þú getur tekið allan þann tíma sem þú þarft. Þegar þú færð aðganginn þinn færðu aðgang að öllu efninu og ferð í gegnum það algjörlega á þínum hraða. Það er ekkert því til fyrirstöðu að horfa svo á sumt af efninu aftur til að "fríska" upp á sjálfsræktina.

Hve lengi hef ég aðgang að námskeiðinu?

Þetta námskeið er einstakt að því leiti að þú hefur aðgang að námskeiðinu allan líftíma þess. Það þýðir svo lengi og ég er með það í þeirri hýsingu sem það er í núna. Sem er vonandi næstu árin. Þú getur verið viss um að það verður að minnsta kosti ár og vonandi miklu fleiri. Það er von mín að námskeiðið skili sér í aukinni meðvitund hjá þér um mikilvægi þess að rækta sjálfið, aukinni ást á sköpun sem eykur vellíðan sem svo skilar sér til allra þeirra sem þú umgengst. Þess vegna vil ég að þú hafir aðgang að námskeiðinu sem allra, allra lengst. Ef við hlúum að okkur getum við hlúð að öðrum og þannig bætum við heiminn skref fyrir skref. Byrjum á okkur sjálfum.

Hver er kennarinn?

Kristín Berta hjá Sálarlist er félagsráðgjafi/fjölskyldufræðingur, yoga kennari, yoga nidra kennari og kennari í listsköpun með ásetningi (intentional creativity teacher). Kristín Berta hefur tekið fjölda annarra námskeiða í myndlist og listmeðferð.

Þetta námskeið er fyrir þig ef þú:

-Hefur gaman af eða áhuga á að leika þér með liti

-Vilt rækta sjálfið með því að leika þér með liti og skrifa

-Vilt æfa þig í að taka frá tíma fyrir þig og vilt komast nær sjálfri/um þér

-Ef þú hefur áhuga á hugleiðslum, núvitund og leiddri slökun

-Vilt taka námskeið sem þú getur tekið í þægindunum á þínu eigin heimili

-Vilt geta valið hvaða kvöld/dag vikunnar þú notar til að fara í gegnum námskeiðið.

-Ert til í að skapa fyrir sálina, hjartað og ferlið en ekki útkomuna

Þetta námskeið er ekki fyrir þig ef þú:

-Vilt fá kennslu í myndlist eða aðferðum og tækni við að mála (við gerum einföld verkefni sem flestir eiga að geta leikið sér að gera sama hversu langt þeir eru komnir)

-Vilt læra að skapa falleg listaverk. (Við sköpum fyrir sálina, hugan og hjartað og sálarlist lítur ekkert alltaf vel út en er getur verið áhrifamikil og gefið okkur heilmikið)

-Ef þú ert ekki fyrir að hlusta á hugleiðslur og fara í leidda slökun eða yoga nidra

-Vilt taka námskeið þar sem þú mætir á staðinn í eigin persónu(þetta námskeið fer fram á netinu).

Hvað er innifalið í námskeiðinu?

- Yfir 15 fyrirlestrar sem eru frá 6 og upp í 20 mínútna langir. Sem þú getur annað hvort horft á að hlustað á meðan þú gerir eitthvað annað.

- Yfir 20 skapanda verkefni

- Nokkrar hugleiðslur ýmist með skapandi verkefnum eða sjálfstæðar

- Smjörþef af jógateygjum og jóga nidra æfing sem þú getur hlustað á hvenær sem er.

- Vinnubók/útdrátt úr efninu í pfd formi fyrir hverja lotu.

Allt þetta gerir rúmlega 11 klukkustundir af efni.

Taktu skref nær þér

Það eru til margar leiðir til að rækta sjálfið og eitt af því allra mikilvægasta er að gera eitthvað sem maður hefur gaman af og gleður mann. Sköpun er manninum í blóð borin og við viljum alltaf vera að skapa eitthvað og þannig viðhöldum við lífsorkunni, tilgangi okkar og ánægju. Það er fátt notalegra að mínu mati en að hola mér einhvers staðar niður með trélitina mína og penna og enn betra ef ég get sett örlitla dýpt í sköpunina og sjálfsræktina með ásetningi og hugleiðslu.

Hvenær fæ ég aðgang að námskeiðinu eftir kaupin?

Þar sem kerfið sem ég nota er ekki sjálfvirkt enn sem komið er þarf ég að fá hjá þér netfang og fullt nafn og búa til aðgang fyrir þig að námskeiðinu. Þú færð aðgang innan 48 stunda eftir að gengið er frá kaupunum.

VERÐ: Námskeiðið kostar 67.900 sem er ótrúlega frábært verð miðað við efnið sem þú færð sem jafnast á við marga einkatíma hjá mér þar sem hver 50 mínútna einkatími kostar 16.000 kr hvort sem það er meðferðartími eða einkatími í sálarlistagerð.

Ef þú vilt frekar millifæra skaltu hafa samband við mig hér: salarlist@gmail.com

ATH. Það er í boði að skipta greiðslunni í tvennt eða þrennt. Hafðu samband ef þú vilt nýta þér það eða ef þú hefur einhverjar spurningar: salarlist@gmail.com.

Sjáðu hvað aðrir hafa að segja um námskeiðið

Sjáðu kynningu um námskeiðið hér og fáðu að sjá hvernig námskeiðsumhverfið lítur út:)

Karfan þín

Námskeið-Viðburðir-Vörur

Jóga nidra stakur tími

Innsæismandala og slökun

Gjafakort - FRÍTT -

Sjálfsrækt með Sálarlist - Netnámskeið

Skráðu þig á póstlistann