Jóga nidra djúpslökun 26. febrúar

Stakur tími í jóga nidra!

Vertu hjartanlega velkomin/n!

Komdu í þægilegum fötum- dýnur og teppi eru á staðnum en þú gætir viljað hafa með þér auka teppi eða uppáhalds koddann. 

Hvenær:

MIÐVIKUDAGUR - 26. febrúar kl: 17:00

Hvar:

Rauðagerði 25 (Hægra megin við hliðina á tónlistaskólanum)

Jóga nidra er í senn æfing í djúpslökun og  hugleiðslu. Líkaminn slakar á og kennarinn leiðir vitundina inn á við þegar þú hlustar á leiðbeiningar hans, svipað og í leiddri hugleiðslu. Það eina sem þú þarft að gera  er að koma þér þægilega fyrir í  liggjandi stöðu. 

Í jóga nidra er meðvitundin milli svefns og vöku. Í ástandinu þar sem okkur er kannski farið að dreyma en við heyrum samt ennþá í umhverfinu. Það er fullkomið ástand til að nema eitthvað nýtt, búa til nýjar taugabrautir og brjóta gamlar venjur. 

Sumir sem koma í yoga nidra sofna í fyrstu skiptin og það er fullkomlega í lagi. Stundum þarf maður bara auka klukkutíma til að sofa. Markmiðið hjá þeim sem stunda jóga nidra reglulega er hins vegar að  þjálfa meðvitundina með vakandi athygli í þessu ástandi. Út úr því er hægt að fá djúpa nærandi hvíld sem sagt er að geti jafnast á við 4 klukkustunda svefn. 

Kristín Berta er lærður jóga kennari  og jóga nidra kennari, fjölkyldufræðingur og klínískur félagsráðgjafi með sérhæfingu í vinnu með áföll.